կարևոր
518 դիտում, 1 տարի առաջ - 2020-09-12 23:33

Արարատի մարզում բախվել են Mercedes-ն ու BMW-ն. վերջինս էլ բախվել է էլեկտրասյանն ու գործարանի պատին. կա վիրավոր

Արարատի մարզում բախվել են Mercedes-ն ու BMW-ն. վերջինս էլ բախվել է էլեկտրասյանն ու գործարանի պատին. կա վիրավոր

Այսօր՝ սեպտեմբերի 12-ին, ավտովթար է տեղի ունեցել Արարատի մարզում:

Ժամը 08:50-ի սահմաններում, Այնթափ գյուղում, «Ժանյակ» գործարանի դիմաց բախվել են Երևանի բնակիչ, 61-ամյա Գագիկ Վ.-ի վարած Mercedes և Արտաշատ քաղաքի բնակիչ, 26-ամյա Խաչիկ Մ.-ի վարած BMW մակնիշի ավտոմեքենաները:

Shamshyan.com-ի հաղորդմամբ՝ վթարի հետևանքով վարորդներից Խաչիկ Մ-ն մարմնական վնասվաքներով տեղափոխվել է «Մասիս» բժշկական կենտրոն, իսկ BMW-ն էլ դուրս է եկել ճանապարհի երթևեկելի գոտուց, բախվել ճամփեզրի էլեկտրասյանն ու «Ժանյակ» գործարանի պատին:

Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի տեսուչներ Տիգրան Սարդարյանն ու Արայիկ Խաչատրյանը:

Տեղում հետաքննչական աշխատանքները ղեկավարել է նույն վաշտի ավագ հետաքննիչ Արմեն Գաբրիելյանը, ում կողմից փաստի առթիվ նյութեր են նախապատրաստվում: