կարևոր
1412 դիտում, 1 տարի առաջ - 2020-09-11 15:59

2001 թ. սեպտեմբերի 11-ին ԱՄՆ-ում տեղի ունեցած ահաբեկչությունից անցել է 19 տարի․ (ԼՈւՍԱՆԿԱՐՆԵՐ)

2001 թ. սեպտեմբերի 11-ին ԱՄՆ-ում տեղի ունեցած ահաբեկչությունից անցել է 19 տարի․ (ԼՈւՍԱՆԿԱՐՆԵՐ)

Ուղիղ 19 տարի առաջ՝ 2001 թվականի սեպտեմբերի 11-ին, տեղի ունեցավ Միացյալ Նահանգների պատմության մեջ ամենասարսափելի և խոշոր ահաբեկչությունը, որը ցնցեց ամբողջ աշխարհը։

Այդ օրը «Ալ-Քաիդա» խմբավորման ահաբեկիչները գրավել էին չորս մարդատար ինքնաթիռ։ Դրանցից առաջինը մխրճվեց Նյու Յորքում Առեւտրի համաշխարհային կենտրոնի հյուսիսային, իսկ երկրորդը՝ Հարավային Աշտարակի մեջ, ինչը հանգեցրեց երկու երկնաքերների հետագա փլուզմանը:

Երրորդ ինքնաթիռը մխրճվեց Պենտագոնի շենքի մեջ, իսկ չորրորդը, որի ուղևորները փորձել են դիմադրություն ցույց տալ ահաբեկիչներին, ընկել է Փիթսբուրգից ոչ հեռու՝ Փենսիլվանիա նահանգում:

Հարձակման հետեւանքով զոհվեց 2977 մարդ, Վաշինգտոնում` 189, Փենսիլվանիայում` 44։ Հազարավոր մարդիկ վիրավորվեցին: