կարևոր
1119 դիտում, 1 տարի առաջ - 2020-09-11 11:51

Տափերականցիները պահանջում են «Ապօրինաբար կալանավորված» համագյուղացու ազատ արձակումը․ (ՏԵՍԱՆՅՈւԹ)

Արարատի մարզի Տափերական գյուղի բնակիչները բողոքի ակցիա են իրականացնում Գլխավոր դատախազության դիմաց: Նրանք պահանջում են կալանքից ազատ արձակել իրենց գյուղի բնակիչ Ալեն Պետրոսյանին: Նրա փաստաբան Արման Արզումանյանի խոսքով, սկզբնական շրջանում մի քանի վիճելի ապացույցներ են ձեռք բերվել, որի հիման վրա Ալեն Պետրոսյանին ձերբակալել, ապա կալանավորել են:

«Գործի հետագա զարգացումը ցույց տվեց, որ նա ոչ մի կապ չունի իրեն մեղսագրվող արարքի հետ: Իրական կատարողը, իրական կրակոց արձակողն ինքնակամ ներկայացած վարույթն իրականացնող մարմնին տվեց խոստովանական ցուցմունքներ: Հետագայում հանձնեց նաեւ հանցագործության գործիք զենքը, բայց գործը տեղից չի շարժվում»,-ասաց նա՝ նշելով, որ խոստովանական ցուցմունք տվողը չի կալանավորվել, իսկ Ալեն Պետրոսյանի կալանքի ժամկետը երկրորդ անգամ է երկարացվում:

Փաստաբանի խոսքով, Ալեն Պետրոսյանը մեղադրվում է սպանության եւ ապօրինի զենք կրելու համար:

Նա ընդգծեց, որ ինքը Վճռաբեկ բողոք կներկայացնի կալանքի որոշման դեմ եւ եթե Ալեն Սիմոնյանին չազատեն՝ ՄԻԵԴ գանգատ կուղարկի: