կարևոր
1748 դիտում, 2 տարի առաջ - 2020-09-10 17:15

Հնարավոր է՝ Տոկիոյի Oլիմպիական խաղերը կայանան նաև առանց հանդիսատեսի

Հնարավոր է՝ Տոկիոյի Oլիմպիական խաղերը կայանան նաև առանց հանդիսատեսի

Միջազգային Օլիմպիական կոմիտեի նախագահ Թոմաս Բախը հեռավար խորհրդակցության ընթացքում հայտարարությամբ է հանդես եկել, ըստ որի՝ 2021 թվականի Տոկիոյի Օլիմպիական խաղերի անցկացման մի քանի տարբերակ է դիտարկվում. գրում է BBC-ն:

Բախի խոսքով՝ հնարավոր է Օլիմպիական խաղերն անցկացնել նաև առանց երկրպագուների: «Մենք դիտարկում ենք մի քանի սցենարներ: Այս պահին ես չեմ կարող ներկայացնել այդ տարբերակները: Դրանց մասին հայտնի կդառնա Տոկիոյում կայանալիք խաղերից առաջ: Իրավիճակը փոխվում է ամեն օր, այնպես որ՝ դժվար է կանխատեսել, թե ինչ կլինի 320 օր հետո»,- մանրամասնել է նա:

Հիշեցնենք՝ Տոկիոյի Օլիմպիական խաղերը նախատեսված էին 2020 թվականի ամռանը, բայց կորոնավիրուսային համավարակի պատճառով դրանք տեղափոխվեցին 2021 թվականի ամառ՝ հուլիսի 23-ից  օգոստոսի 8-ը: