կարևոր
1000 դիտում, 1 տարի առաջ - 2020-09-10 11:54

Աեքսեյ Նավալնին նորից կկարողանա խոսել ու հավանաբար կհիշի այն ամենը, ինչ տեղի է ունեցել իր հետ ինքնաթիռում

Աեքսեյ Նավալնին նորից կկարողանա խոսել ու հավանաբար կհիշի այն ամենը, ինչ տեղի է ունեցել իր հետ ինքնաթիռում

Ռուս ընդդիմադիր առաջնորդ Աեքսեյ Նավալնին նորից կկարողանա խոսել ու հավանաբար կհիշի այն ամենը, ինչ տեղի է ունեցել իր հետ ինքնաթիռում:

Գերմանական Spiegel-ը նաեւ հաղորդում է, որ նրա վիճակը շարունակում է բարելավվել, ու Նավալնին շուտով կկարողանա բժիշկներից ու իր կնոջից բացի այլ հյուրեր էլ ընդունել:

Այս ընթացքում Նավալնիի հնարավոր թունավորման մասին է խոսել Միացյալ Նահանգների պետքարտուղար Մայք Փոմփեոն: Նա ասել է՝ մեծ հավանականություն կա, որ ընդդիմադիր գործչին թունավորել են Մոսկվայի բարձրաստիճան պաշտոնյաների պատվերով: Փոմփեոն նաեւ հայտարարել է, որ ամբողջ աշխարհում մարդիկ, երբ տեսնում են այլախոհին թունավորելու փորձ, գիտակցում են՝ կա զգալի հավանականություն, որ դա իսկապես Ռուսաստանի բարձրաստիճան պաշտոնյաների մտահղացումն է:

«Կարծում եմ, որ դա լավ չէ ռուս ժողովրդի համար», - ընդգծել է պետքարտուղարը:

Հիշեցնենք, որ օրերս Նավալնի դեպքին անդրադարձել էր նաեւ Միացյալ Նահանգների նախագահ Դոնալդ Թրամփը, բայց զերծ էր մնացել Մոսկվային քննադատելուց:

Կրեմլը կտրականապես հերքում է իրեն վերագրվող մեղադրանքները: