կարևոր
1193 դիտում, 1 տարի առաջ - 2020-09-09 09:32

ՀՀ-ում այս տարվա առաջին 7 ամսում և՛ ծնունդների, և՛ մահերի թվերն ավելացել են․ «Ժողովուրդ»

ՀՀ-ում այս տարվա առաջին 7 ամսում և՛ ծնունդների, և՛ մահերի թվերն ավելացել են․ «Ժողովուրդ»

«Հայաստանում ծնվածների թիվն ավելացել է. այս տարվա առաջին յոթ ամիսներին մեր հանրապետությունում ծնվածների թիվը կազմել է 19 հազար 530, նախորդ տարվա նույն ժամանակահատվածում` 19 հազար 372, 2018-ին 19 հազար 652: Այսինքն` ծնվածների քանակն 158-ով ավելացել է նախորդ տարվա նույն ժամանակահատվածի համեմատ, իսկ 2018-ի հունվար-հուլիսի համեմատ այն հակառակը՝ պակասել է 122-ով: Սրան զուգահեռ նկատենք, որ մահացածների քանակն է ավելացել:

Հայաստանում այս տարվա հունվար-հուլիսին մահացել է 17 հազար 136 մարդ: Ըստ վիճակագրական կոմիտեի՝ անցած տարվա հունվար-հուլիսին մահացածների թիվը կազմել է 15 հազար 793, 2018-ին՝ 15 հազար 565 մարդ է մահացել:

Այսինքն` 1343-ով ավելացել է մահացածների քանակը: Պաշտոնական տվյալներով, հուլիսին Covid-19-ից մահացել է 320 մարդ, հունիսին՝ 355: Բացի այս, ըստ ՀՀ վիճակագրական կոմիտեի՝ կորոնավիրուսային (COVID-19) համավարակով պայմանավորված, 2020 թ. հունվար-հուլիսի ժողովրդագրական որոշ ցուցանիշներ ամփոփվել են շտապ եղանակով»,-գրում է թերթը:

Նյութն ամբողջությամբ կարդացեք թերթի այսօրվա համարում: