կարևոր
944 դիտում, 1 տարի առաջ - 2020-09-08 12:47

Նոր հարված՝ վերընտրվել ցանկացող Միացյալ նահանգների նախագահ Դոնալդ Թրամփին

Նոր հարված՝ վերընտրվել ցանկացող Միացյալ նահանգների նախագահ Դոնալդ Թրամփին

Նոր հարված՝ վերընտրվել ցանկացող Միացյալ նահանգների նախագահ Դոնալդ Թրամփին, որն այս օրերին փորձում է հանդարտեցնել սեւամորթների դեմ բռնի գործողությունները դատապարտող ցուցարարներին: Նրա նախկին անձնական փաստաբան Մայքլ Քոհենն իր «Անհավատարմություն. մի հուշագիր» գրքում գրել է, թե Թրամփը «ցածր կարծիք ունի բոլոր սեւամորթների մասին՝ սկսած նրանց երաժշությունից մինչեւ մշակույթ ու քաղաքականություն»: Նա նաեւ պնդում է, որ Թրամփը ռասիստական մեկնաբանություններ է արել Հարավաֆրիկյան հանրապետության հանգուցյալ նախագահ Նելսոն Մանդելայի ու իսպանախոսների վերաբերյալ:

Օրինակ, Թրամփը, գրքի հեղինակի պնդմամբ, մի անգամ ասել է, թե «ցույց տվե՛ք մի երկիր, որը սեւամորթ է ղեկավարում ու կեղտի մեկը չէ»: Քոհենն իր նախկին ղեկավարին տարբեր բնորոշումներ է տվել՝ խաբեբա, ստախոս, խարդախ, կռվարար, ռասիստ եւ այլն: Սպիտակ տունը հերքել է գրքում տեղ գտած խնդրահարույց տեղեկություններն ու հայտարարել է, թե փաստաբանը ստում է:

Նշենք նաեւ, որ գրքի հեղինակ Քոհենը 3 տարվա ազատազրկման պատիժ է կրում դաշնային բանտում Կոնգրեսին ստելու համար: