կարևոր
955 դիտում, 1 տարի առաջ - 2020-09-07 17:38

Փաշինյանն Այգեպարում ծանոթացել է հրետակոծությունից վնասված և փլուզված տների նորոգման աշխատանքներին

Փաշինյանն Այգեպարում ծանոթացել է հրետակոծությունից վնասված և փլուզված տների նորոգման աշխատանքներին

ՀՀ վարչապետ Նիկոլ Փաշինյանը Տավուշի մարզի սահմանամերձ Այգեպար համայնքում ծանոթացել է ադրբեջանական հրետակոծությունից վնասված և փլուզված տների նորոգման աշխատանքներին: Այս մասին Փաշինյանը գրել է «Ֆեյսբուք»-ի իր էջում:

«Սահմանապահ Այգեպարը վերածվել է մեծ շինհրապարակի։ Հիմնանորոգվում են հրետակոծությունից փլուզված եւ վնասված տները, ասֆալտապատվում են համայնքի բոլոր փողոցները։ Աշխատանքներում ներգրավված են տեղի բնակիչները, որոնց մի մասը նախկինում զբաղվել է արտագնա աշխատանքով։ Շրջայցի ընթացքում ծանոթացա շինաշխատանքների ընթացքին և շնորհակալություն հայտնեցի այգեպարցիներին՝ սահմանապահի առաքելությունը պատվով կրելու համար»,- գրել է Փաշինյանը:

Հուլիսի 12-21-ը Ադրբեջանը ռազմական գործողություններ է սանձազերծել Հայաստանի հետ սահմանին` Տավուշի ուղղությամբ, որոնց ընթացքում թիրախավորվել են նաև սահմանամերձ հայկական համայնքները: