կարևոր
871 դիտում, 1 տարի առաջ - 2020-09-05 13:18

Դոնալդ Թրամփը՝ սկանդալի կենտրոնում

Դոնալդ Թրամփը՝ սկանդալի կենտրոնում

Վերընտրվել ցանկացող Միացյալ Նահանգների նախագահը սկանդալի կենտրոնում է հայտնվել:

Պատճառը «The Atlantic» պարբերականի այն հրապարակումն է, թե 2018թ.-ին Դոնալդ Թրամփը հրաժարվել է գնալ զինվորական գերեզմանատուն՝ ասելով, որ այնտեղ ամփոփված են «անհաջողակները»: «The Atlantic»-ն այս տեղեկությունը հաղորդելիս վկայակոչել է Թրամփի վարչակազմին մոտ կանգնած անանուն աղբյուրներին:

Հրապարակումը բուռն քննարկումների տեղիք է տվել նաեւ սոցցանցերում:

«Որեւէ մեկը իրոք զարմացա՞ծ է սրանից»,-«Թվիթերում» գրել է ամերիկյան բանակի հայտնի վետերան Փոլ Ռիքհոֆը, որը մասնակցել է նաեւ Իրաքյան պատերազմին:

Ինչպես սպասվում էր, հրապարակման առաջին արձագանքողներից է Թրամփի գլխավոր քաղաքական մրցակից Ջո Բայդենը:

«Եթե դուք չեք հարգում մեր զինվորականներին, դուք չեք կարող առաջնորդել նրանց»,- ասել է դեմոկրատ Բայդենը: Իսկ Սպիտակ տունն հերքել է տեղեկությունը՝ պատճառաբանելով, թե այդ թվականին Փարիզ կատարած այցի ժամանակ եղանակային անբարենպաստ պայմանների պատճառով է Թրամփը հետաձգել իր այցն ամերիկացի զինծառայողների գերեզմանատուն: