կարևոր
887 դիտում, 1 տարի առաջ - 2020-09-04 20:35

Հունաստանը հրաժարվում է բանակցել Թուրքիայի հետ՝ սպառնալիքների մթնոլորտում

Հունաստանը հրաժարվում է բանակցել Թուրքիայի հետ՝ սպառնալիքների մթնոլորտում

Հունաստանի վարչապետ Կիրակոս Միցոտակիսը հայտարարել է, որ Աթենքը կսկսի բանակցել Անկարայի հետ՝ Արեւելյան Միջերկրականում ծագած վեճը լուծելու ուղղությամբ միայն այն դեպքում, երբ Թուրքիան դադարի սադրել:

Թուրքիայի արտգործնախարար Մեւլութ Չավուշօղլուն ընդգծել է, որ Անկարան ընդունել է ՆԱՏՕ-ի՝ բանակցելու առաջարկը, իսկ Աթենքը սկզբում համաձայնել, ապա հրաժարվել է: Չավուշօղլուն մեղադրել է նաեւ Ֆրանսիային՝ Հունաստանին հրահրելու համար:

Նախօրեին ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ դաշինքի 2 անդամներն էլ համաձայնել են տեխնիկական բանակցություններ սկսել:

Չնայած Հունաստանի՝ մերժման մասին հայտարարություններին, Ստոլտենբերգն այսօր հայտնել է, որ, այդուամենանիվ, Հունաստանի եւ Թուրքիայի միջեւ ռազմական մակարդակում տեխնիկական բանակցություններ ընթանում են, սակայն դեռեւս որեւիցե համաձայնության չեն եկել: Այդ բանակցությունների նպատակը՝ Հյուսիս-ատլանտյան դաշինքի գլխավոր քարտուղարի խոսքով, մեխանիզմների մշակումն է՝ Միջերկրական ծովի արեվելյան հատվածում պատահական բախումներից խուսափելու համար:

Թուրք-հունական հարաբերություններն անցած ամիս հերթական անգամ սրվել էին, երբ Թուրքիան հայտարարել էր, որ սկսել է սեյսմիկ հետախուզություն անցկացնել Միջերկրական ծովի արեւելյան հատվածում, որը Հունաստանը բացառապես իր տնտեսական գոտին է համարում: