կարևոր
1357 դիտում, 1 տարի առաջ - 2020-09-04 18:31

Սեպտեմբերի 12-ից արտակարգ դրության փոխարեն կարանտին կսահմանվի (ՏԵՍԱՆՅՈւԹ)

Կառավարությունը մտադիր է կարանտին հայտարարել արտակարգ դրության ավարտից հետո: Դրա հնարավորությունն էլ տալու է խորհրդարանի մեծամասնության հավանությանն արժանացած օրենսդրական փաթեթը:

Դրանով արվող կարգավորումներն, ըստ էության, կարանտինի ռեժիմը խախտող քաղաքացիների նկատմամբ տուգանքների նոր տեսակներ են սահմանում: Խիստ պատիժների ցանկում, անգամ, ազատությունից զրկումն է: Լծակներ են տրվելու մարզպետներին, Երեւանի քաղաքապետին:

Հատուկ ռեժիմներ, սահմանափակումներ, պահանջներ եւ դրանք խախտողներին՝ տուգանքներ:

Թե ինչպես է այս ամենն արվելու առանց արտակարգ իրավիճակի իրավական հատուկ ռեժիմի, քննարկել են Ազգային Ժողովում, որում ներկայացված իշխանական մեծամասնությունը կողմ է այդ ամենին, իսկ ընդդիմադիր խմբակցությունները՝ ոչ, ու այս օրենսդրական փաթեթը թերի են համարում:

Մանրամասները՝ Հայկ Սահակյանի տեսանյութում: