կարևոր
788 դիտում, 1 տարի առաջ - 2020-09-03 23:11

ԱԱՏՄ-ն ուժեղացված ստուգայցեր է կատարել Գյումրիում և կասեցումներ՝ մայրաքաղաքում

ԱԱՏՄ-ն ուժեղացված ստուգայցեր է կատարել Գյումրիում և կասեցումներ՝ մայրաքաղաքում

ՀՀ  առողջապահական և աշխատանքի տեսչական մարմինը պարետի կողմից սահմանված նորմերի պահպանման նպատակով այսօր խստացված մշտադիտարկում է իրականացրել Շիրակի մարզի Գյումրի քաղաքում: 

Ինչպես տեղեկացնում են ՀՀ կառավարությունից, ստուգումներ են իրականացվել  մի շարք բանկերի մասնաճյուղերում,  գեղեցկության սրահներում, դեղատներում, Շիրակի մարզային գրադարանում և 2 խոշոր ձեռնարկություններում՝ «Ռ. Զաքարյան» և «Սվետտեքս» արտադրամասերում, որտեղ էական խախտումներ չեն հայտնաբերվել:

«Զուգահեռ մշտադիտարկումներ իրականացվել են նաև հանրապետության այլ մարզերում և մայրաքաղաքում ևս: ԱԱՏՄ տեսուչների ուշադրության կենտրոնում են եղել ստուգման ենթակա բոլոր կառույցները:

Խախտումների վերաբերյալ կազմված արձանագրությունները ներկայացվում են պարերտատուն: Առավել վաղ ներկայացված արձանագրությունների հիման վրա Տեսչական մարմինն այսօր նաև կասեցման գործընթաց է իրականացրել մայրաքաղաքում»,- նշված է հաղորդագրության մեջ: