կարևոր
964 դիտում, 1 տարի առաջ - 2020-09-03 13:02

Կիեւն առաջարկել է Նավալնիի թունավորման համար պատժամիջոցներ կիրառել Ռուսաստանի դեմ

Կիեւն առաջարկել է Նավալնիի թունավորման համար պատժամիջոցներ կիրառել Ռուսաստանի դեմ

Աշխարհի տարբեր երկրներ դատապարտել ու կշտամբել են Ռուսաստանին այն բանից հետո, երբ Գերմանիան հաստատել է, որ ռուս ընդդիմադիր գործիչ Ալեքսեյ Նավալնիին թունավորել են «Նովիչոկ» խմբի նյութով: Գերմանիայի կանցլեր Անգելա Մերկելն ասել է՝ Նավալնին հանցագործության զոհ է, ու տեղի ունեցածը նրան լռեցնելու փորձ է:

ԱՄՆ Ազգային անվտանգության մամուլի ծառայության ղեկավար Ջոն Էլիոթը հայտնել է, որ կաշխատեն դաշնակիցների եւ միջազգային հանրության հետ, որպեսզի թունավորման մեղավորները պատասխանատվություն կրեն Ռուսաստանում:

ՆԱՏՕ-ի գլխավոր քարտուղար Յենս Ստոլտենբերգը Twitter-ում խստորեն դատապարտել է ռազմական նշանակության նյարդապարալիտիկ միջոցի օգտագործումը ու նշել, որ սա Ռուսաստանի համար էլ ավելի հրատապ է դարձնում լիարժեք եւ թափանցիկ հետաքննություն անցկացնելու անհրաժեշտությունը: ՆԱՏՕ-ն եւս պատրաստվում է Նավալնիի թունավորման հարցի շուրջ խորհրդակցել դաշնակիցների հետ: Իսկ Կիեւն առաջարկել է թունավորման համար պատժամիջոցներ կիրառել Ռուսաստանի դեմ: Ուկրաինայի արտգործնախարարության հայտարարություոնւմ նշված է, որ միայն քաղաքակիրթ աշխարհի կայուն դիրքորոշումը, ներառյալ պատժամիջոցները, կստիպեն Մոսկվային դադարեցնել հանցագործություններն ինչպես առանձին ընդդիմադիր քաղաքական գործիչների, այնպես էլ պետությունների դեմ: