կարևոր
998 դիտում, 1 տարի առաջ - 2020-09-02 23:04

ՏՏ ոլորտում աշխատատեղերի պահպանման նպատակով կառավարությունը կհատկացնի 61 դրամաշնորհ

ՏՏ ոլորտում աշխատատեղերի պահպանման նպատակով կառավարությունը կհատկացնի 61 դրամաշնորհ

Կառավարությունը կքննարկի «Կորոնավիրուսի տնտեսական հետևանքների չեզոքացման տասնյոթերորդ միջոցառումը հաստատելու մասին» ՀՀ կառավարության 2020 թվականի մայիսի 07-ի թիվ 714-Լ որոշման պահանջներից բխող նոր նախագիծ։ Սեպտեմբերի 3-ի նիստում քննարկվելիք նախագծի նպատակն է` կորոնավիրուսի տարածման հետևանքով Հայաստանի Հանրապետության բարձր տեխնոլոգիաների ոլորտի առանձին տնտեսավարողների մոտ առաջացած դժվարությունների հետևանքով արդյունավետ աշխատատեղերի պահպանությանն օժանդակությունը:

Ըստ հիմնավորման, նկատի ունենալով, որ ծրագիրն իրագործվելու է ՀՀ 2020 թվականի պետական բյուջեով հաստատված 1043  «Բարձր տեխնոլոգիական արդյունաբերության էկոհամակարգի և շուկայի զարգացման» ծրագրի «Գաղափարից մինչև բիզնես» միջոցառման շրջանակներում, անհրաժեշտություն  է նշված միջոցառման առկա ողջ չօգտագործված 888 մլն դրամն ուղղել  նոր` «Կորոնավիրուսի տնտեսական հետևանքների չեզոքացման տասնյոթերորդ միջոցառմանը»` համապատասխանաբար նվազեցնելով նաև ոչ ֆինանսական ցուցանիշները, նոր միջոցառման համար սահմանելով նոր քանակական չափորոշիչներ: 

Նախատեսվում է շուրջ 61 դրամաշնորհների տրամադրում: