կարևոր
1308 դիտում, 1 տարի առաջ - 2020-09-02 21:14

Զարեհ Սինանյանը ներկայացրել է Սփյուռքի գործերի գլխավոր հանձնակատարի գրասենյակի նորաստեղծ կայքը

Զարեհ Սինանյանը ներկայացրել է Սփյուռքի գործերի գլխավոր հանձնակատարի գրասենյակի նորաստեղծ կայքը

Սփյուռքի գոծերի գլխավոր հանձնակատար Զարեհ Սինանյանը Ֆեյսբուքի ուղիղ եթերում ներկայացրեց իր գլխավորած գրասենյակի նորաստեղծ կայքը։ Սինանյանը նշեց, որ կայքի միջոցով արել և անելու են ամեն բան, որ օգտակար, մատչելի և հասանելի տեղեկատվություն հասցնեն ոչ միայն գրասենյակի գործունեության, այլև տեղեկատվություն սփյուռքահայության, հայրենադարձվել ցանկացողների համար:

«Փորձել ենք ներգրավել նաև որոշ նորարարական մոտեցումներ, օրինակ՝ մեր կայքը մեր պետական կառավարման համակարգում միակն է, որն ընձեռնում է նամակագրության հնարավորություն: Կարող են հարցերը գրել, և մենք հնարավորինս կարճ ժամկետում օնլայն ռեժիմով կպատասխանենք»,- ասաց նա՝ ավելացնելով, որ կայքը եռալեզու է՝ հայերեն, անգլերեն, ռուսերեն, իսկ առաջիկայում հնարավոր է՝ այլ լեզուներով ևս հասանելի լինի:

Կայքում առկա է նաև քարտեզ, որում ներկայացված են սփյուռքի բոլոր խոշոր համայնքները՝ ինֆորմացիա մոտ 80 համայնքի մասին: