կարևոր
1825 դիտում, 3 տարի առաջ - 2020-09-02 18:27

Գագիկ Խաչատրյանի եղբորորդին կշարունակի մնալ կալանքի տակ. դատարանը հրապարակեց որոշումը

Գագիկ Խաչատրյանի եղբորորդին կշարունակի մնալ կալանքի տակ. դատարանը հրապարակեց որոշումը

Երեւանի ընդհանուր իրավասության դատարանը նախագահությամբ դատավոր Արթուր Մկրտչյանի, այսօր՝ սեպտեմբերի 2-ին, ՊԵԿ նախկին նախագահ Գագիկ Խաչատրյանի եղբորորդու՝ Կարեն Խաչատրյանի խափանման միջոցը փոփոխելու մասին պաշտպանների միջնորդությունը մերժեց. Խաչատրյանը կշարունակի մնալ կալանքի տակ։

Դատական նիստին ներկա է նաեւ Խաչատրյանը։

Նշենք, որ խափանման միջոցի վերաբերյալ քննությանը նրա պաշտպան Ամրամ Մակինյանն ասել էր, որ իր պաշտպանյալը երկու անգամ հայտնվել է ազատության մեջ, սակայն չի թաքնվել քննությունից։ Այնուամենայնիվ մեղադրող դատախազն դատարանին խնդրել էր ընտրված խափանման միջոցը չփոխել։

Հիշեցնենք, որ Կարեն Խաչատրյանը զբաղեցրել է ՊԵԿ Ներքին անվտանգության վարչության պետի պաշտոնը, նա մեղադրվում է առանձնապես խոշոր չափով վատնում կատարելու մեջ՝ ՀՀ ՔՕ 179-րդ հոդվածի 3-րդ մասի 1-ին կետով (յուրացնելը կամ վատնելը` առանձնապես խոշոր չափերով) եւ 314-րդ հոդվածի 1-ին մասով (պաշտոնեական կեղծիք):

Նույն քրեական գործի շրջանակներում մեղադրանք է առաջադրվել նաեւ նրա հորեղբորը՝ ՊԵԿ նախկին նախագահ, Ֆինանսների նախկին նախարար Գագիկ Խաչատրյանին: