կարևոր
1011 դիտում, 1 տարի առաջ - 2020-08-30 20:09

ԱՀ նախագահն ու Մխիթար Հայրապետյանը քննարկել են խորհրդարանների զարգացման հարցեր

ԱՀ նախագահն ու Մխիթար Հայրապետյանը քննարկել են խորհրդարանների զարգացման հարցեր

Արցախի Հանրապետության նախագահ Արայիկ Հարությունյանն օգոստոսի 30-ին ընդունել է ՀՀ Ազգային ժողովի պատգամավոր, գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի  նախագահ Մխիթար Հայրապետյանին:Այս մասին հայտնում են ԱՀ նախագահի մամուլի ծառայությունից:

Հանդիպմանը քննարկվել են հայկական երկու պետությունների խորհրդարանների միջեւ կապերի զարգացմանն ու ընդլայնմանը վերաբերող հարցեր: Երկրի ղեկավարը նշել է, որ օրենսդրական դաշտի կատարելագործումը շարունակական գործընթաց է, և այդ ուղղությամբ պետք է անընդհատ նոր ջանքեր գործադրել:

Հանդիպմանը, որին  մասնակցում էր ԱՀ Աժ պատգամավոր, գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արամ Հարությունյանն, անդրադարձ է եղել նաև ոլորտային մի շարք խնդիրների: