կարևոր
180 դիտում, 7 ամիս առաջ --> 2020-08-28 22:53

Հայաստանի չորս մարզերի բնակիչները մասնակցել են ականների վտանգի իրազեկման դասընթացին

Հայաստանի չորս մարզերի բնակիչները մասնակցել են ականների վտանգի իրազեկման դասընթացին

«Հումանիտար ականազերծման և փորձագիտական կենտրոն»-ի Էջմիածնում տեղակայված ուսումնական կենտրոնում Տավուշի, Սյունիքի, Վայոց ձորի և Գեղարքունիքի բնակիչները մասնակցել են ականների վտանգի իրազեկման եռօրյա վերապատրաստման դասընթացին: Այս մասին հայտնում է «Հումանիտար ականազերծման և փորձագիտական կենտրոն» ՊՈԱԿ-ի «Ֆեսյբուք»-ի էջը:

Հայկական կարմիր խաչի ընկերության հրահանգիչների ու կամավորների համար նախատեսված դասընթացը կազմակերպել էր «Ականազերծման և ուտիլիզացիայի հիմնադրամ»-ը՝ Հայկական Կարմիր Խաչի ընկերության կողմից իրականացվող «Պատերազմի պայթուցիկ մնացոդների և ականների վտանգի իրազեկման ծրագիրը Հայաստանի Հանրապետությունում» ծրագրի շրջանակներում:

Մասնակիցներն ընտրվել էին այն մարզերից, որտեղ ականները դեռևս լուրջ վտանգ են ներկայացնում: Վերապատրաստման դասընթացի արդյունքում հրահանգիչներն ու կամավորները ստացել են Ականների վտանգի իրազեկման համապատասխան գիտելիքներ և հմտություններ:

ՀԱՓԿ ՊՈԱԿ-ի կողմից վերապատրաստված մասնագետները՝ ստացած գիտելիքների շնորհիվ, արդեն կարող են ՆԱՏՕ-ի աջակցության և գնումների ընկերության ֆինանսավորմամբ իրականացվող «Պատերազմի պայթուցիկ մնացոդների և ականների վտանգի իրազեկման ծրագիրը Հայաստանի Հանրապետությունում» ծրագրի ընթացքում իրենց համայնքներում իրականցնել առավել արդյունավետ դասընթացներ և քաղաքացիներին սովորեցնել անվտանգ վարքագծի կանոնները:

Դասընթացների վերջում մասնակիցները ստացել են հավաստագրեր: