կարևոր
953 դիտում, 1 տարի առաջ - 2020-08-28 21:42

ԿԳՄՍ նախարարն ըմբռնումով է վերաբերվում իր հրաժարականը պահանջող քաղաքացիների ակցիաներին

ԿԳՄՍ նախարարն ըմբռնումով է վերաբերվում իր հրաժարականը պահանջող քաղաքացիների ակցիաներին

ՀՀ կրթության, գիտության, մշակույթի և սպորտի նախարար Արայիկ Հարությունյանն ըմբռնումով է վերաբերում իր հրաժարականը պահանջող քաղաքացիների բողոքի ակցիաներին: Այս մասին Հարությունյանն հայտնել է օգոստոսի 28-ին Ազգային ժողովում լրագրողների հետ զրույցում:

«Ըմբռնումով»,- ասաց Հարությունյանը՝ պատասխանելով լրագրողի այն հարցին, թե ինչպես է վերաբերվում իր հրաժարականը պահանջող քաղաքացիների ակցիաներին:

Հարությունյանը նշեց, որ իր հրաժարականի հարցը չի քննարկվում: Անդրադառնալով իր հրաժարականը պահանջող քաղաքացիներին չհանդիպելուն և նրանց հետ չշփվելուն, նախարարը նշեց, որ ինքը բոլորի հետ շփվում է, երբ շփման օրակարգ կա:

Վերջին օրերին մի խումբ քաղաքացիներ անցկացնում են բողոքի ակցիաներ՝ պահանջելով ԿԳՄՍ նախարար Արայիկ Հարությունյանի հրաժարականը: