կարևոր
953 դիտում, 1 տարի առաջ - 2020-08-27 20:45

Մինսկում գրոհել են Լիբիայի դեսպանատան վրա

Մինսկում գրոհել են Լիբիայի դեսպանատան վրա

Այսօր Մինսկում մոտ 30 հոգուց բաղկացած խումբը գրոհել է Լիբիայի դեսպանատան վրա: Ջարդել են պատուհանները, կոտրել դուռը, վնասել կահույքն ու, ոչ պաշտոնական տվյալներով, անգամ ծեծել են ժամանակավոր հավատարմատարին:

Ընդ որում, Բելառուսի իրավապահ մարմինները նրանց դեմ որեւիցե միջոց չեն կիրառել: Միայն ավելի ուշ Բելառուսի արտգործնախարարությունը խնդրել է ոստիկանությանն ուժեղացնել անվտանգությունը դիվանագիտական առաքելության տարածքում:

Ռուսաստանյան լրատվամիջոցները հաղորդում են, որ Թուրքիայից հովանավորվող Լիբիայի Ազգային Համաձայնության Կառավարության կողմնակիցներն են հարձակվել դեսպանատան վրա, որտեղ գտնվում են Բենգազին ներկայացնող Լիբիայի այլընտրանքային կառավարության դիվանագետները: