ուղիղ եթեր փակել
Այս պահին Երևանում
+23°
ощущаетվя как +21°C
բաց երկինք
3 մ/վ քամու ուժգնություն
արևածագ: 05:34
24.06.2022
USD 408.56 -2.26
GBP 502.73 +1.12
EUR 430.54 -0.94
GEL 139.14 -0.83
RUB 7.67 -0.07

Վերջին ավելացված հաղորդումներ

Ամենադիտվածներ

կարևոր
1214 դիտում, 1 տարի առաջ - 2020-08-27 15:43

Սահակաշվիլին հայտարարել է, որ վերադառնում է Վրաստան

Սահակաշվիլին հայտարարել է, որ վերադառնում է Վրաստան

Վրաստանի նախկին վարչապետ Միխեիլ Սահակաշվիլին իր տեսաուղերձում Ուկրաինային որպես իր «երկրորդ տուն», շնորհակալություն Է հայտնել՝ նշելով, որ այժմ վերադառնում Է հայրենիք:

Սահակաշվիլին, որն այժմ գլխավորում է Ուկրաինայի բարեփոխումների ազգային խորհրդի գործադիր կոմիտեն, քանիցս արտահայտվել է Վրաստանում առաջիկա խորհրդարանական ընտրությունների առնչությամբ՝ նշելով, որ ինքը չի ճանաչում ներկայիս ղեկավարության օրինականությունը եւ ընտրություններում պատրաստ է պայքարել առաջնագծում:

Նրա հայտարարությունների պատճառով Թբիլիսին իր դեսպանին հետ է կանչել Կիեւից. իշխանությունները նախկին նախագահի հայտարարությունները միջամտություն են համարում Վրաստանի ներպետական գործերին:

«Ուկրաինան իմ երկրորդ տունն է: Ժամանակին ես այստեղ եմ ժամանել Վրաստանի իմ գլխավոր տնից: Ես Ուկրաինան սիրում եմ դեռ ուսանողական ժամանակներից»,-հայտարարել է Սահակաշվիլին:

Նա նշել է, որ վերջին յոթ տարվա ընթացքում շատ բան է տեղի ունեցել եւ բավարար փորձ ու գիտելիքներ է ստացել այն բանի համար, որպեսզի ավելի լավ ծառայի իր երկրին եւ սխալներ թույլ չտա, իսկ այն, որ իր նախագահության ժամանակ սխալներ, այնուամենայնիվ, թույլ է տվել:

Սահակաշվիլին Վրաստանից հեռացել է 2013 թվականին, որտեղ նրա նկատմամբ մի շարք քրեական գործեր էին հարուցել. դրանցից մի քանիսով հեռակա դատապարտվել էր բանտարկության: 2015 թվականի գարնանը նա մտել է ուկրաինական քաղաքականություն, երբ Ուկրաինայի նախագահի պաշտոնն զբաղեցրած Պյոտր Պորոշենկոն նրան նշանակեց Օդեսայի մարզի նահանգապետ՝ դրանից առաջ նրան քաղաքացիություն տրամադրելով:

Սակայն արդեն 2016 թվականին Պորոշենկոն ազատեց Սահակաշվիլիին՝ հայտարարելով, որ նա ոչ միայն չի կատարել տարածաշրջանի զարգացման գծով իր խոստումները, այլեւ զգալիորեն վատացրել  է մարզի տնտեսական ցուցանիշները:

2017 թվականի նոյեմբերին Պորոշենկոն Սահակաշվիլիին զրկել է Ուկրաինայի քաղաքացիությունից:

Ավելի ուշ Սահակաշվիլին այդ որոշման համար գանգատ է ներկայացրել ուկրաինական դատարան, այն մինչեւ այժմ չի քննվել: Նոր նախագահ Վլադիմիր Զելենսկին 2019 թվականի մայիսի 28-ին իր հրամանագրով վերադարձրել է Սահակաշվիլիի ուկրաինական քաղաքացիությունը: Այս տարվա մայիսի սկզբին Զելենսկին Սահակաշվիլիին նշանակել է բարեփոխումների ազգային խորհրդի գործադիր կոմիտեի ղեկավար:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS