կարևոր
3738 դիտում, 1 տարի առաջ - 2020-08-25 14:31

Ի՞նչ է տեղի ունեցել Արսեն Թորոսյանի և Նիկոլ Փաշինյանի միջև. պարզաբանում է վարչապետի խոսնակը

Ի՞նչ է տեղի ունեցել Արսեն Թորոսյանի և Նիկոլ Փաշինյանի միջև. պարզաբանում է վարչապետի խոսնակը

Politik.am-ը հրապարակել է լուր, ըստ որի այսօր առավոտյան լուրջ միջադեպ է գրանցվել Առողջապահության նախարար Արսեն Թորոսյանի և վարչապետ Նիկոլ Փաշինյանի միջև։ Փաշինյանը Թորոսյանին ասել է, որ վերջինս տապալել է կորոնավիրուսի դեմ պայքարը, նրան մեղադրել է վատ նախարար լինելու մեջ։ Արսեն Թորոսյանն էլ ասել է՝ «ինձնից լավ աշխատող ունես, բեր թող աշխատի»։

Աղբյուրի փոխանցմամբ՝ նրանց վեճն այնքան է թեժացել, որ անցել են անձնական վիրավորանքների, որից հետո Թորոսյանը սկսել է ակնարկներ է արել վարչապետի առողջականի մասին, իսկ վերջում դիմելով Ավինյանին՝ ասել է «տիրություն արեք ձեր հիվանդին» ու հեռացել է:

Միջադեպից հետո Նիկոլ Փաշինյանը Թորոսյանի պաշտոնանկության հարցով կուսակցության վարչության հրատապ նիստ է հրավիրել, իսկ Արսեն Թորոսյանն այդ ընթացքում կանչվել է ԱԱԾ։

Yerkirmedia.am-ը զրուցել է վարչապետի խոսնակ Մանե Գևորգյանի հետ՝ փորձելով ճշտել՝ լուրը համապատասխանու՞մ է իրականությանը թե ոչ: Խոսնակը հերքել է մամուլում շրջանառվող լուրերը, դրանք որակելով բամբասանքի մակարդակի և շարունակում է պնդել, որ Առողջապահության նախարար Արսեն Թորոսյանի պաշտոնանկության հարց բարձրացված չէ: