կարևոր
979 դիտում, 1 տարի առաջ - 2020-08-25 13:15

Գերմանիան ու ԵՄ-ն անկախ ու լիարժեք հետաքննություն են պահանջել Նավալնիի թունավորման առնչությամբ

Գերմանիան ու ԵՄ-ն անկախ ու լիարժեք հետաքննություն են պահանջել Նավալնիի թունավորման առնչությամբ

Գերմանիայի կանցլեր Անգելա Մերկելը եւ արտգործնախարար Հեյկո Մաասը կոչ են արել Ռուսաստանի իշխանություններին լիարժեք ու թափանցիկ հետաքննություն անցկացնել ընդդիմադիր առաջնորդ Ալեքսեյ Նավալնիի թունավորման առնչությամբ ու պատասխանատվության ենթարկել մեղավորներին:

Թունավորման հանգամանքների վերաբերյալ անկախ եւ լիարժեք հետաքննություն սկսելու անհրաժեշտության մասին բարձրաձայնել է նաեւ Եվրամիության դիվանագիտության ղեկավար Ժոզեֆ Բորելը:

Հիշեցնենք, որ ավելի վաղ Բեռլինի «Շարիտե» կլինիկան, որտեղ այժմ գտնվում է Ալեքսեյ Նավալնին, հայտնել էր, որ իրենց իրականացված հետազոտությունները հաստատել են Նավալնիի օրգանիզմում առկա թունավորման հետքեր: Բեռլինյան հիվանդանոցից նաեւ հաղորդել են, որ ռուս քաղաքական գործչի առողջական վիճակը գնահատվում է որպես ծանր, թեեւ կյանքին վտանգ չի սպառնում: