կարևոր
1139 դիտում, 1 տարի առաջ - 2020-08-24 14:55

Մակունցը մանրամասներ ներկայացրեց Փաշինյանի հետ «Իմ քայլը» խմբակցության հանդիպումից

Մակունցը մանրամասներ ներկայացրեց Փաշինյանի հետ «Իմ քայլը» խմբակցության հանդիպումից

 ՀՀ վարչապետ Նիկոլ Փաշինյանի և Ազգային ժողովի «Իմ քայլը» խմբակցության հանդիպման ընթացքում քննարկվել են Հայաստանի արտաքին քաղաքականությանն ու ՀՀ-ում բարեփոխումների օրակարգին առնչվող հարցեր: Այս մասին լրագրողների հետ զրույցում ասաց խմբակցության ղեկավար Լիլիթ Մակունցը:

«Ընթացիկ քննարկումներ էին: Անդրադարձել ենք արտաքին քաղաքական հարցերի, ՀՀ-ում բարեփոխումների օրակարգին, ընդհանուր արժեքային մոտեցումներ ենք քննարկել»,- ասաց Մակունցը:

Մեծամասնական խմբակցության ղեկավարը հավելեց, որ անդրադարձ է կատարվել նաև կորոնավիրուսի համավարակին, իսկ կառավարության կողմից ՍԴ դատավորի թեկնածուի առաջադրման հարցին անդրադարձ չի եղել:

Օգոստոսի 24-ին տեղի է ունեցել ՀՀ վարչապետ Նիկոլ Փաշինյանի և Ազգային ժողովի «Իմ քայլը» խմբակցության հանդիպումը: Հանդիպումից առաջ խմբակցության ղեկավար Լիլիթ Մակունցը հայտնել էր, որ հանդիպման հաստատված օրակարգ չկա: