կարևոր
1584 դիտում, 1 տարի առաջ - 2020-08-23 22:30

ՀՀ ԶՈւ սպան մոլորվել է․ իրականացվում են որոնողական աշխատանքներ․ ՊՆ

Օգոստոսի 22-ին ժամը 19:30-ի սահմաններում մարտական հենակետը ստուգելու նպատակով ՀՀ ԶՈւ սպա Գուրգեն Ալավերդյանը եղանակային խիստ անբարենպաստ պայմանների պատճառով շփոթվել և մոլորվել է: Իրականացվում են որոնողական աշխատանքներ:

Այս մասին հայտնում է ՀՀ ՊՆ մամուլի խոսնակ Շուշան Ստեփանյանը:

Նշենք, որ քիչ առաջ Ադրբեջանի պաշտպանության նախարարությունը հայտարարություն էր տարածել, որտեղ նշվում էր, թե իբր Գորանբոյի ուղղությամբ ՀՀ զինված ուժերը դիվերսիոն հարձակման փորձ են իրականացրել, որի ընթացքում Ադրբեջանի ԶՈւ կողմից գերեվարվել է դիվերսիոն խմբի հրամանատար ավագ լեյտենանտ Գուրգին (այդպես է նշված հայտարարության մեջ) Ալբերյանը:

Շուշան Ստեփանյանը հայտնում է, որ Ադրբեջանի ՊՆ դիվերսիայի մասին տարածած հաղորդագրությունը ապատեղեկատվություն է, որով մոլորվածը ներկայացվում է որպես դիվերասանտ: