կարևոր
2434 դիտում, 1 տարի առաջ - 2020-08-22 20:18

Սիրիայում ռուս գեներալ-մայորի սպանության կադրերը հայտնվել են համացանցում․ (ՏԵՍԱՆՅՈւԹ)

Սիրիայում գեներալ-մայորի կոչումով ռուս ռազմական խորհրդական Վյաչեսլավ Գլադկիխի սպանության կադրերը հայտնվել են համացանցում:

Տեսանյութում ռազմական տեխնիկայի շարասյուն է երեւում, որի երկայնքով ռուսերենով զրուցող մարդկանց խումբ է անցնում: Վայրկյաններ անց զինվորականների՝ մեքենաներից մեկի կողքով անցնելու պահին գործարկվում է ինքնաշեն պայթուցիկ սարքը:

Նշվում է, որ զոհված ռուս զինվորականը Պալմիրի ազատագրմանն է մասնակցել: Մահվան պահին նա Դեյր էլ Զորում սիրիացիներին օգնող զինվորական խորհրդականների խմբի ավագի պարտականություններն է կատարել:

Հիշեցնենք, որ պատահարից հետո գեներալ-մայորին անմիջապես տարհանել են դեպքի վայրից եւ բուժօգնություն ցույց տվել, սակայն նրան փրկել չի հաջողվել: Վերջինս հետմահու ներկայացվել է պետական պարգեւի: