Բելառուսի ընդդիմադիր գործիչ Սվետլանա Տիխանովսկայան, որն այժմ Լիտվայում է, Belsat TV-ին տված հարցազրույցում ասել է, որ եթե երկրում նախագահական նոր ընտրություններ անցկացվեն, ինքն իր թեկնածությունը չի առաջադրի:
Իսկ ահա BBC-ի հետ զրույցում Տիխանովսկայան ասել է՝ բելառուսներն իրեն ընտրել են ոչ թե որպես ապագա նախագահ, այլ որպես փոփոխությունների խորհրդանիշ: «Մենք այսօր հետ կանգնելու իրավունք չունենք: Հակառակ դեպքում, ստրուկներ կլինենք»,-նշել է Սվետլանա Տիխանովսկայան: