կարևոր
1019 դիտում, 1 տարի առաջ - 2020-08-21 11:27

Բայդենը խոստացել է Ամերիկան դուրս բերել մթությունից

Բայդենը խոստացել է Ամերիկան դուրս բերել մթությունից

Միացյալ Նահանգների նախագահի թեկնածու Ջո Բայդենը, Դեմոկրատական կուսակցության ազգային համագումարի վերջին օրը ունեցած ելույթում, խոստացել է դուրս բերել Ամերիկան մթությունից: Նոյեմբերի 3-ի ընտրություններում իր մրցակից, գործող նախագահ Դոնալդ Թրամփին Բայդենը մեղադրել է երկիրը մասնատելու, չափազանց շատ զայրույթ ու վախ սերմանելու մեջ:

Հավելել է նաեւ, որ Թրամփը ձախողել է կորոնավիրուսի դեմ պայքարը՝ չկարողանալով կատարել ազգի նկատմամբ ունեցած իր գլխավոր պարտականությունը՝ պաշտպանել նրանց:

Ի դեպ, հենց համավարակի պատճառով դեմոկրատների ազգային համագումարն անցկացվել է առցանց ձեւաչափով, Բայդենն էլ ելույթ է ունեցել դատարկ դահլիճում:

Արձագանքելով իր մրցակցի ելույթին՝ Թրամփը Թվիթերում գրել է, որ սրանք ուղղակի բառեր են, Բայդենը երբեք չի փոխվի: