կարևոր
940 դիտում, 1 տարի առաջ - 2020-08-20 16:16

Հայաստանն ու Բրազիլիան ունեն հարաբերությունների խորացման մեծ ներուժ. դեսպանը հանդիպել է Բոլսոնարուին

Հայաստանն ու Բրազիլիան ունեն հարաբերությունների խորացման մեծ ներուժ. դեսպանը հանդիպել է Բոլսոնարուին

Բրազիլիայի Դաշնային Հանրապետությունում ՀՀ դեսպան Արման Հակոբյանը «Պալասիու դու Պլանալտու» նախագահական պալատում իր հավատարմագրերն է հանձնել ԲԴՀ նախագահ Ժաիր Բոլսոնարուին: Այս մասին հայտնում է ՀՀ Արտաքին գործերի նախարարությունը:

Հավատարմագրերի հանձնման արարողությունից հետո կայացել է Արման Հակոբյանի և Ժաիր Բոլսոնարուի զրույցը, որին ներկա են եղել նաև ԱԳ նախարար Էրնեստու Արաուժուն, ԱԳՆ միջազգային հարաբերությունների հարցերով գլխավոր քարտուղար Օտավիու Բրանդելլին,  ԱԳՆ և նախագահի աշխատակազմերի մի շարք բարձրաստիճան պաշտոնյաներ:

Անդրադառնալով երկկողմ հարաբերություններին՝ զրուցակիցները համաձայնել են, որ առկա է զգալի ներուժ և ընդգծել են դրա լիարժեք իրացման կարևորությունը: Նախագահ Բոլսոնարուն գովեստով է խոսել նաև Բրազիլիայի հայ համայնքի մասին և նշել, որ այն կարող է լուրջ խթան հանդիսանալ երկու երկրների հետագա մերձեցման համար:

Դեսպան Հակոբյանը նաև գրառում է կատարել նախագահական պալատի պատվո հյուրերի գրքում: