կարևոր
836 դիտում, 1 տարի առաջ - 2020-08-19 23:28

Եվրամիությունը չի ճանաչում Բելառուսի ընտրությունների արդյունքները

Եվրամիությունը չի ճանաչում Բելառուսի ընտրությունների արդյունքները

Եվրամիությունը չի ճանաչում Բելառուսում կայացած նախագահական ընտրությունների արդյունքները: Այս մասին հայտարարվել է օգոստոսի 19-ի Եվրոպական խորհրդի նախագահ Շառլ Միշելի հրավիրած հեռավար արտահերթ նիստից հետո:

Բացի այդ, Եվրամիությունը որոշել է պատժամիջոցներ սահմանել մի շարք անձանց նկատմամբ, որոնք պատասխանատու են ցուցարարների նկատմամբ կիրառված բռնությունների համար: Չի բացառվում, որ այդ ցանկում հայտնվի նաեւ 6-րդ անգամ վերընտրված նախագահ Լուկաշենկոն: Մինչ նիստի մեկնարկը, Բելառուսի նախագահի նախկին թեկնածու Սվետլանա Տիխանովսկայան հերթական տեղաուղերձն էր հրապարակել՝ հասցեագրված եվրոպացի առաջնորդներին: Տիխանովսկայան անգլերենով կոչ էր արել Եվրամիությանը չճանաչել Բելառուսում օգոստոսի 9-ին կայացած նախագահի ընտրությունների արդյունքները:

Իսկ ահա Ալեքսանդր Լուկաշենկոն ներքին գործերի նախարարությանը հրահանգել է այլեւս անկարգություններ թույլ չտալ երկրում: Լուկաշենկոյի վերընտրվելուց հետո Բելառուսում արդեն 11-րդ օրն է ցույցերը շարունակվում են: Վերջին օրերին բողոքի ակցիաները խաղաղ են անցնում: