կարևոր
3423 դիտում, 1 տարի առաջ - 2020-08-19 16:33

Սերժ Սարգսյանը կանոն է խախտել. Մանե Գևորգյան

Սերժ Սարգսյանը կանոն է խախտել. Մանե Գևորգյան

Այսօր Սերժ Սարգսյանը պաշտոնաթողությունից հետո առաջին անգամ մեծ ասուլիս էր տալիս: Ասուլիսի թեման 2016 թվականի Ապրիլյան պատերազմն էր: Սերժ Սարգսյանի ասուլիսը տեղի ունեցավ «Հարսնաքար» ռեստորանային համալիրի բացօթյա տարածքում: ՀՀ երրորդ նախագահը և նրա գրասենյակի պատասխանատու Մերի Հարությունյանը մամուլի ասուլիսին ներկայացան բժշկական դիմակներով, սակայն  երկուսն էլ, ասուլիսը սկսելուց առաջ, հանեցին դիմակները: Արդեն ասուլիսի ավարտին նրանք հեռացան դիմակներով:

Վարչապետի մամուլի խոսնակ Մանե Գևորգյանը ԼՈՒՐԵՐ.com-ի հետ զրույցում ասել է, որ նրանք, դիմակ չկրելով, կանոն են խախտել:

Թեև, Սերժ Սարգսյանի ասուլիսի վայր ընտրվել է ռեստորանային համալիրի բացօթյա տարածքը, այնուամենայնիվ, ըստ պարետի որոշման՝  հանրային բաց տարածքներում դիմակ կրելը պարտադիր է: Բնության գրկում և նմանատիպ այլ վայրերում տվյալ պահանջը չի գործում, իսկ «Հարսնաքարը» նշված վայրերից ոչ մեկի մեջ չի մտնում: