կարևոր
1331 դիտում, 1 տարի առաջ - 2020-08-19 10:42

Թուրքիայի աջակցությունը վայելող զինյալները սիրիական Աֆրինում 10-ից ավելի քաղաքացու են առևանգել

Թուրքիայի աջակցությունը վայելող զինյալները սիրիական Աֆրինում 10-ից ավելի քաղաքացու են առևանգել

Թուրքական ուժերի վերահսկողության տակ գտնվող Սիրիայի Աֆրին նահանգում Անկարայի աջակցությունը վայելող Սուկուր ալ-Շամալի զինյալները 10-ից ավելի քաղաքացու են առևանգել: Այս մասին հաղորդում է ermenihaber.am  կայքը՝ հղում կատարելով Քրդական «ANF News» լրատվականին։ 

Աֆրինի մարդու իրավունքների պաշտպանության կազմակերպության հրապարակած զեկույցում մասնավորապես նշվում է, որ զինյալները օգոստոսի 17-ին առևանգել են Աֆրինի Մաբաթա շրջանի Գեմրուքե գյուղի 10-ից ավել բնակչի և վերջիններիս ընտանիքներից փրկագին պահանջել:

Զեկույցում հրապարակվել են նաև առևանգված քաղաքացիների մի մասի անունները: Նրանցից մեկին զինյալները թուրքական 1000 լիրա փրկագնի դիմաց ազատ են արձակել: 

Կազմակերպության հաղորդած տվյալներով` Աֆրինի Գեմրուքե գյուղում շարունակվում են բնակիչների առևանգման դեպքերը: