կարևոր
1262 դիտում, 1 տարի առաջ - 2020-08-18 20:38

ԱՀԿ-ի ղեկավարը բոլոր պետություններին կոչ է արել միանալու պատվաստանյութերի գործընկերային ծրագրին

ԱՀԿ-ի ղեկավարը բոլոր պետություններին կոչ է արել միանալու պատվաստանյութերի գործընկերային ծրագրին

Առողջապահության համաշխարհային կազմակերպությունը (ԱՀԿ) բոլոր պետություններին կոչ է արել միանալու COVAX միջազգային մեխանիզմին, որի նպատակն է արդարացի հիման վրա բոլոր երկրների ապահովումը կորոնավիրուսի դեմ պատվաստանյութով, երբ այն հայտնվի: Ինչպես տեղեկացնում է ՏԱՍՍ-ը, օգոստոսի 18-ին Ժնեւում կայացած ճեպազրույցում հայտնել է ԱՀԿ-ի գլխավոր տնօրեն Թեդրոս Ադանոմ Գեբրեյսուսը։

«COVAX գլոբալ մեխանիզմը բացառիկ կարեւոր Է (պատվաստանյութերով) համատեղ ապահովման եւ ռիսկերի հակազդման համար: Ահա թե ինչու այսօր ես նամակ եմ հղել բոլոր երկրներին՝ COVAX մեխանիզմին միանալու խնդրանքով»,- ասել է նա:

Գլխավոր տնօրենը շարադրել է համատեղ գործողությունների ենթադրյալ ռազմավարությունը կորոնավիրուսի դեմ արդյունավետ պատվաստանյութի ստեղծումից հետո: «Առաջին փուլում դոզաները կտրամադրվեն համամասնորեն եւ միաժամանակ (COVAX-ի մեխանիզմի) բոլոր մասնակից երկրներին՝ համընդհանուր ռիսկը նվազեցնելու համար։ Երկրորդ փուլում հաշվի կառնվեն համաճարակաբանական իրավիճակը պետություններում՝ կախված «սպառնալիքից եւ խոցելիությունից»,- ասել է նա:

ԱՀԿ-ի ղեկավարի խոսքով՝ աշխարհը համերաշխության կարիք ունի «COVID-19-ի համավարակի համատեղ լուծման համար: Նա հիշեցրել Է, որ կպահանջվի «արագորեն արտադրել միլիարդավոր դոզաներ եւ այն հասցնել բոլորին, ովքեր պատվաստանյութի կարիք ունեն»: