կարևոր
1134 դիտում, 1 տարի առաջ - 2020-08-18 20:11

Հաագայի միջազգային տրիբունալը հրապարակել է Լիբանանի նախկին վարչապետ Ռաֆիկ Հարիրիի սպանության գործով դատավճիռը

Հաագայի միջազգային տրիբունալը հրապարակել է Լիբանանի նախկին վարչապետ Ռաֆիկ Հարիրիի սպանության գործով դատավճիռը

Հաագայի միջազգային տրիբունալը հրապարակել է Լիբանանի նախկին վարչապետ Ռաֆիկ Հարիրիի սպանության գործով դատավճիռը: Դատարանը սպանության գործում «Հըզբոլլահ» կազմակերպության եւ Սիրիայի կառավարության ղեկավարության ներգրավվածության ապացույցներ չի գտել:

Գործով մեղադրյալները շիիթական Հըզբոլահ կուսակցության հետ կապված չորս անձինք են՝ Սելիմ Այյաշը, Հասան Մերին, Հուսեյն Ունեյիսին եւ Ասաադ Սաբրան: Նրանց մեղադրանք է առաջադրվել մի շարք հանցագործությունների, այդ թվում՝ ահաբեկչական հարձակման կազմակերպման, կանխամտածված սպանության եւ սպանության փորձ կազմակերպման համար: Նրանցից ոչ մեկը բերման չի ենթարկվել եւ ինքնակամ չի հանձնվել դատարանին, ուստի դատավարությունն ընթացել է նրանց բացակայության պայմաններում:

Հիշեցնենք, որ Հարիրիի սպանությունը տեղի է ունեցել 15 տարի առաջ: Լիբանանի նախկին վարչապետի ավտոշարասյան մոտ պայթեցվել էր ականապատ բեռնատար, որի հետեւանքով մահացել էր 22 մարդ, տուժել էր եւս 200 հոգի: Ողբերգությունից չորս ամիս առաջ Հարիրին հրաժարական էր տվել կառավարության ղեկավարի պաշտոնից ու ղեկավարում էր ընդդիմությունը, որը պահանջում էր Լիբանանի տարածքից դուրս բերել սիրիական զորախմբերը: Արաբական երկրում եւ արտասահմանում շատերը չէին կասկածում, որ սպանության հետեւում կանգնած են Դամասկոսը, Թեհրանն ու Հիզբալլահ շիայական կազմակերպությունը: