կարևոր
1416 դիտում, 2 տարի առաջ - 2020-08-18 14:32

Ընթացքում են բակի նորոգման, խաղահրապարակի կառուցման եւ ինժեներական ցանցի ապահովման աշխատանքները. Նիկոլ Փաշինյան

ՀՀ Կոտայքի մարզի Գեղաշեն համայնքում առաջին անգամ կառուցվում է մանկապարտեզ, որը նախատեսված է 140 փոքրիկի համար: ՀՀ վարչապետ Նիկոլ Փաշինյանը Գեղաշեն համայնքի ղեկավար Տիգրան Հակոբյանի հետ շրջել է շինհրապարակում և ծանոթացավ կատարվող աշխատանքներին:

Հակոբյանը հայտնել է, որ Գեղաշենը երբևէ մանկապարտեզ չի ունեցել:

«Ընթացքում են բակի նորոգման, խաղահրապարակի կառուցման և ինժեներական ցանցի ապահովման աշխատանքները»,- նշել է Փաշինյանը:

Գեղաշենում Վարչապետն այցելել է նաև երաժշտական դպրոց, որտեղ սուբվենցիոն ծրագրով իրականացվում է հաստատության գազաֆիկացում, իսկ համայնքի մշակույթի տանը տեղադրվելու է նաև ջեռուցման համակարգ:

ՀՀ տարածքային կառավարման և ենթակառուցվածքների նախարար Սուրեն Պապիկյանը հայտնել է, որ այդ երաժշտական դպրոցում ստեղծվում է նաև ժամանակակից գրադարան, ինչն արվում է Գերմանիայից մի բարերարի կողմից:

ՀՀ վարչապետը ծանոթացավ երաժշտական դպրոցի շենքի վերանորոգման աշխատանքներին: