կարևոր
1102 դիտում, 1 տարի առաջ - 2020-08-18 10:20

Ֆիլիպիններում առնվազն մեկ մարդ է զոհվել երկրաշարժի հետեւանքով

Ֆիլիպիններում առնվազն մեկ մարդ է զոհվել երկրաշարժի հետեւանքով

Ֆիլիպինների Մասբատեի նահանգում առնվազն մեկ մարդ է զոհվել երկրաշարժից տան փլվելու հետեւանքով: Ինչպես օգոստոսի 18-ին հայտնել է CNN Philippines հեռուստաալիքը, տարերքի հարվածի զոհ է դարձել մի պաշտոնաթող ոստիկան. գրում է ՏԱՍՍ-ը:

Դրա հետ մեկտեղ վնասվածքներ է ստացել եւս մեկ մարդ: Նաեւ լուջ վնաս է հասցվել տների եւ այլ կառույցների Կատայգան քաղաքում, ճանապարհներին հայտնվել են ճեղքվածքներ: Օրվա ընթացքում իշխանությունները մտադիր են գնահատել պատճառված վնասը:

Ինչպես ճշտել են Ֆիլիպինների Հրաբխագիտության եւ սեյսմոլոգիայի ինստիտուտում, երկրաշարժի մագնիտուդը կազմել է 6,6: Էպիկենտրոնը գտնվել է Կատայգան քաղաքից 7 կիլոմետր դեպի հարավ - արեւելք: Օջախն ընկած է 21 կիլոմետր խորության վրա: Այդ շրջանում տեղի են ունեցել 23 տարբեր հզորության կրկնական ստորգետնյա ցնցումներ: