կարևոր
430 դիտում, 1 տարի առաջ - 2020-08-17 16:26

Եվրոպական խորհուրդը Բելառուսում առկա իրավիճակի վերաբերյալ արտահերթ քննարկում կանցկացնի

Եվրոպական խորհուրդը Բելառուսում առկա իրավիճակի վերաբերյալ արտահերթ քննարկում կանցկացնի

Եվրոպական խորհրդի նախագահ Շառլ Միշելը արտահերթ հավաք կհրավիրի, որտեղ կքննարկվի Բելառուսում առկա իրավիճակը: Այս մասին Միշելը գրել է «Թվիթեր»-ի իր միկրոբլոգում:

«Ես Եվրոպական խորհրդի անդամների հավաք կհրավիրեմ օգոստոսի 19-ին, որպեսզի քննարկենք Բելառուսում առկա իրավիճակը: Բելառուսի ժողովուրդն իրավունք ունի որոշել իր ապագան ու ազատ ընտրել իր առաջնորդին: Ցուցարարների նկատմամբ բռնությունն անընդունելի է և անթույլատրելի»,- գրել է Միշելը:

Բելառուսի մայրաքաղաք Մինսկում ցույցեր են ընթանում երկրում օգոստոսի 9-ին տեղի ունեցած ընտրություններից հետո, որտեղ 80.1% քվեով վերընտրվել է 26 տարի երկիրը կառավարող Ալեքսանդր Լուկաշենկոն: Բելառուսի Կենտրոնական ընտրական հանձնաժողովը երեկ հաստատել է ընտրությունների արդյունքները, սակայն ցուցարարները պահանջում են չեղյալ հայտարարել դրանք: