կարևոր
1229 դիտում, 1 տարի առաջ - 2020-08-13 14:29

Չինաստանը վերականգնել է կանոնավոր ավիահաղորդակցությունը 50 երկրների հետ

Չինաստանը վերականգնել է կանոնավոր ավիահաղորդակցությունը 50 երկրների հետ

Չինաստանն ընթացիկ տարվա օգոստոսի 12-ի դրությամբ վերականգնել է ավելի վաղ կորոնավիրուսի համավարակի պատճառով ընդհատված կանոնավոր ավիահաղորդակցությունն աշխարհի 50 երկրների հետ: Այս մասին Չինաստանի քաղաքացիական ավիացիայի վարչության անվտանգության ապահովման բաժնի ղեկավար Ու Շիցզյանը հայտնել է ճեպազրույցում, հաղորդում  է «Ինտերֆաքս»-ը:

Նրա խոսքով՝ ներկայում կանոնավոր մարդատար չվերթեր են կատարում 93 ավիաընկրություններ՝ 74-ն օտարերկրյա եւ 19-ը՝ չինական: Նրանք աշխատում են 187 միջազգային երթուղիներով:

Ամեն շաբաթ 210 ավիաչվերթ է կատարվում Չինաստան եւ Չինաստանից դուրս: Միեւնույն ժամանակ, պաշոնյայի խոսքով, առայժմ չի վերականգնվել համավարակից առաջ կատարվող չվերթերի քանակը:

Հուլիսին տարեկան հաշվարկով այն կրճատվել է 34,1 տոկոսով, թեեւ հունիսին այդ ցուցանիշը հավասարվել է 42,4 տոկոսի: