կարևոր
607 դիտում, 1 տարի առաջ - 2020-08-12 13:32

Մոնղոլիայում այտուցային ժանտախտի նոր մահ է գրանցվել

Մոնղոլիայում այտուցային ժանտախտի նոր մահ է գրանցվել

Այտուցային ժանտախտից մահվան եւս մեկ դեպք է գրանցվել Մոնղոլիայում: Այդ մասին, ինչպես տեղեկացնում է «ՌԻԱ Նովոստին», հաղորդել է «Սինհուա» գործակալությունը։ Նշվում է, որ 42 տարեկան տղամարդը Մոնղոլիայի արեւմուտքի Խովդ նահանգում մահացել է օգոստոսի 11-ի գիշերը:

Առողջապահության նախարարության ներկայացուցիչ Դորժիյն Նարանգերելի տվյալներով, հայտնի է, որ մահվանից ոչ շատ առաջ այդ մարդը գնել էր արջամուկի երկու մսակտոր: Ավելի վաղ այտուցային ժանտախտ էր հաստատվել Ներքին Մոնղոլիայի Բայան-Նուր քաղաքում՝ անասնապահների մոտ:

Բացի այդ, ժանտախտ էր հայտնաբերվել Մոնղոլիայի արեւմտյան տարածաշրջանում, որը սահմանակից է Ալթայի Հանրապետությանը: Հիվանդացել էր երկու մարդ: Ուլան-Բատորում ՌԴ-ի դեսպանության մամուլի ծառայությունում հայտարարել են, որ Մոնղոլիայի իշխանություններն անմիջապես անհրաժեշտ միջոցներ են ձեռնարկել, անհանգստանալու պատճառներ չկան: Հաղորդվել է այցուցային ժանտախտի հետեւանքով 15-ամյա դեռահասի մահվան մասին Գով-Ալթայի նահանգում:

Դեռահասը մահացել է հիվանդանոց տանելու ճանապարհին: Հաստատվել է, որ մահվանից երեք օր առաջ արջամուկի միս է կերել ընկերների հետ: Ժանտախտը սուր վարակիչ հիվանդություն է՝ մահացության բարձր ցուցանիշներով: Բնական միջավայրում վարակի աղբյուրները (ժանտախտի ցուպիկներ) հիմնականում հանդիսանում են արջամկները, գետնասկյուռները, սկյուռները, առնետները, իսկ տարածողները՝ լվերը։