318 դիտում, 2020.08.11 18:21

Անկյունային հղկիչով գլխի հատվածում վնասվածք ստացած տղայի առողջական վիճակում դրական դինամիկա կա

Անկյունային հղկիչով գլխի հատվածում վնասվածք ստացած տղայի առողջական վիճակում դրական դինամիկա կա

 Անկյունային հղկիչով (բոլգարկա) ծանր մարմնական վնասվածք ստացած 15-ամյա տղայի վիճակում դրական դինամիկա է նկատվում։

Այս մասին հայտնել է «Սուրբ Աստվածամայր» մամուլի խոսնակ Գևորգ Դերձյանը։

«Տղան վերակենդանացման բաժանմունքից տեղափոխվել է հիվանդասենյակ։ Կյանքին վտանգ չի սպառնում»,- նշել է Դերձյանը և հավելել, որ նրա վիճակը գնահատվում է կայուն։

Օգոստոսի 6-ին, աշխատելու ընթացքում, հղկիչը կոտրվել ու վնասելով տղայի քթի և գանգի տարբեր հատվածների ոսկրերը, մխրճվել է գլխուղեղի առաջնային հատվածի մեջ: Նա ստացել էր բաց թափանցող գանգուղեղային վնավածքներ, քթի, ճակատոսկրի, մաղոսկրի, աջ ակնակապճի միջային պատի բազմաբեկոր կոտրվածքներ, գլխուղեղի ճակատային բլթի կոնտուզիոն հեմոռագիկ օջախ:

Տղան վիրահատվել էր, բժիշկների մուլտիդիսցիպլինար թիմի (նյարդավիրաբույժ, դիմածնոտային, քիթ-կոկորդ-ականջի և միկրո-պլաստիկ վիրաբույժներ) կողմից: Օտար մարմինը հեռացվել էր ու կատարվել վնասված հյուսվածքների վերականգնում սեփական հյուսվածքներով և սինթետիկ նյութերով։