կարևոր
1383 դիտում, 2 տարի առաջ - 2020-08-10 23:45

Ջրափրկարարները Աճարկուտ գյուղի լճից դուրս են բերել քաղաքացու դին

Ջրափրկարարները Աճարկուտ գյուղի լճից դուրս են բերել քաղաքացու դին

ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնն օգոստոսի 10-ին՝ ժամը 13։54-ին, ահազանգ է ստացել, որ Աճարկուտ գյուղի  «Չարղոշան» կոչվող  վայրի տաղավարների մոտակայքում քաղաքացին ընկել է լիճը։ Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից:

Դեպքի վայր են մեկնել ԱԻՆ ՓԾ Տավուշի մարզային փրկարարական վարչության հրշեջ-փրկարարական ջոկատից  և Գեղարքունիքի մարզային փրկարարական վարչության հատուկ ջրափրկարարական ջոկատից մեկական մարտական հաշվարկ։

Ջրափրկարարները լճից (ափից մոտ յոթ մետր հեռավորությունից և մոտ երեք մետր խորությունից) հանել են Ռաֆայել Խ․-ի (ծնված 1983 թ․) դին և մոտեցրել շտապօգնության ավտոմեքենային։