կարևոր
1804 դիտում, 2 տարի առաջ - 2020-08-04 13:40

Արթուր Մեսչյանն ազատման դիմում չի ներկայացրել. Հայկ Մարության

Արթուր Մեսչյանն ազատման դիմում չի ներկայացրել. Հայկ Մարության

Երևանի գլխավոր ճարտարապետ Արթուր Մեսչյանի աշխատանքից ազատման դիմում ներկայացնելու վերաբերյալ մամուլում շրջանառվող տեղեկությունը չի համապատասխանում իրականությանը։ Այս մասին Երևանի քաղաքապետ Հայկ Մարությանն ասել է ասուլիսի ժամանակ:

«Պարոն Մեսչյանը դեռևս պաշտոնավարում է, սակայն իր գործունեությունը սկսելուց առաջ նա հայտնել էր, որ պաշտոնավարելու է մոտ 2 տարի: Ես նրանից դեռ ոչ մի դիմում չեմ ստացել, նա ազատման դիմում չի գրել, բայց նա իր խոստմանը հավատարիմ է մնալու», - նշել է Երևանի քաղաքապետը:

Արթուր Մեսչյանը 2018 թվականի հոկտեմբերի 23-ին Երևանի քաղաքապետ Հայկ Մարությանի որոշմամբ նշանակվել է Երևանի գլխավոր ճարտարապետ: