326 դիտում, 2020.08.01 18:15

Լապշինն Իսրայելում այցելել է Հայոց ցեղասպանության զոհերի հիշատակին նվիրված հուշարձանին

Լապշինն Իսրայելում այցելել է Հայոց ցեղասպանության զոհերի հիշատակին նվիրված հուշարձանին

Հայտնի բլոգեր Ալեքսանդր Լապշինն Իսրայելի Թել Ավիվ քաղաքում այցելել է Հայոց ցեղասպանության զոհերի հիշատակին նվիրված հուշարձանին: Այս մասին բլոգերը գրել է «Ֆեյսբուք»-ի իր էջում:

«Այսօր այցելել եմ Օսմանյան կայսրությունում Հայոց ցեղասպանության զոհերի հիշատակին նվիրված հուշարձանին: Իսրայելում առաջին և միակ հուշարձանը գտնվում է Թել Ավիվի արվարձան Պետախ Տիկվայում»,- գրել է Լապշինը:

Օսմանյան կայսրության կողմից 1915 թ. հայերի նկատմամբ իրականացված ցեղասպանությունը 20-րդ դարասկզբի մեծագույն ոճրագործությունն էր: Ցեղասպանությունը ճանաչել և դատապարտել է մոտ երեք տասնյակ պետություն: Իսրայելի Կնեսետում մի քանի անգամ հարցը բարձրացվել է, սակայն այդ երկրում վերջնական ճանաչման չի հասել։

կիսվել նյութով -