ուղիղ եթեր փակել
Այս պահին Երևանում
+23°
ощущаетվя как +24°C
քիչ ամպամածություն
0 մ/վ քամու ուժգնություն
2
18.08.2022
USD 405.79 -0.17
GBP 489.18 -1.95
EUR 412.81 -0.13
GEL 145.57 +0.52
RUB 6.83 +0.13

Վերջին ավելացված հաղորդումներ

Ամենադիտվածներ

կարևոր
2014 դիտում, 2 տարի առաջ - 2020-07-29 18:18

Սևանա լճում այս տարի ծաղկման պրոցեսը ուշ է սկսվել և շուտ է վերջանալու

Սևանա լճում այս տարի ծաղկման պրոցեսը ուշ է սկսվել և շուտ է վերջանալու

Սևանա լճում, կախված եղանակային պայմաններից, այս տարի ծաղկման պրոցեսը մի քիչ ավելի ուշ է սկսել և շուտ էլ վերջանալու է: Այս մասին ասուլիսում ասել է ՀՀ շրջակա միջավայրի նախարարության «Հիդրոօթերևութաբանության և մոնիտորինգի կենտրոն»-ի տնօրենի տեղակալ Գայանե Շահնազարյանը:

«2018-ից Սևանա լճում դիտվող ծաղկման պրոցեսները, որոնք մինչև օրս սկսվում էին հունիսից, այս տարի սկսվել են հուլիսի 15-ից: Ծաղկման պրոցեսը սկսելու ժամանակ Սևանա լճում իրավիճակը նույնպիսին է, ինչ անցյալ տարի նույն ժանանակ:  Կախված եղանակային պայմաններից՝ այս տարի ծաղկման պրոցեսը մի քիչ ավելի ուշ սկսվեց և շուտ էլ վերջանալու է»,-ասել է նա:

Շահնազարյանի խոսքով՝ Սևանա լճում առկա է վատ էկոլոգիական վիճակ, հատակամերձ շերտում թթվածինը ցածր է, սնուցող նյութերի քանակը բավարար է, որպեսզի շարունակական լինեն ծաղկման պրոցեսները: Թափանցիկությունը մինչև 4 մետր է: Սևանա լճում կա կենսածին նյութերի բավարար քանակություն: «Սա նշանակում է, որ այս պահին լճի վիճակը շատ վատ չէ, բայց լավ էլ չէ»,-նշել է նա: 

Շրջակա միջավայրի նախարարության Բնության հատուկ պահպանվող տարածքների և կենսաբազմազանության քաղաքականության վարչության պետի ժ/պ Ոսկեհատ Գրիգորանն էլ նշեց, որ կառավարությունը հանձնարարել է հնարավորինս հրատապ կերպով մաքրել ջրածածկ անտառները: «Բացի այդ ունենք շենք-շինությունների ապամոնտաժման և մաքրման աշխատանքների իրականացում: Սևանա լճի տարեկան ծրագրում ներառված են կետեր՝ էկոհամակարգի վերականգնման նպատակով: Դրանցից կարևորագույնը Սևանա լճի ավազանից դեպի լիճ հոսող կեղտաջրերի  կենսաբանական մաքրման կայանի բաղադրիչի նախագծանախահաշվային աշխատանքների կազմման միջոցառումն է»,-ասել է նա:

Ինչպես նաև ԵՄ-ի հետ համագործակցության շրջանակներում կա մշակված համապարփակ փաստաթուղթ՝ Սևանա լճի հիմախնդիրների կարգավորման համար: Քննարկման փուլում գտնվող կարևորագույն միջոցառումը Սևանա լճի ավազանից դեպի լիճ հոսող կեղտաջրերի կանխարգելումն է: «Այս համագործակցության շրջանակում ունենք 5 մլն եվրո աջակցություն՝ նշված աշխատանքներն իրականացնելու: Դեռևս տարվում են բանակցություններ՝ հասկանալու, թե որ միջոցառման համար ինչ չափով բաշխում կարվի»,-նշել է Գրիգորյանը:

Սևանա լիճն այս տարի ևս կանաչում է: Լճում կապտականաչ ջրիմուռների ինտենսիվ աճի և ջրի որակի անկման հիմնական պատճառներն են լճի մակարդակի իջեցումը, կենցաղային կեղտաջրերի և ջրածածկ անտառներից օրգանական նյութերի ներհոսքը, ձկան կենսազանգվածի կրճատումը, ջերմաստիճանի բարձրացումը:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS