կարևոր
960 դիտում, 1 տարի առաջ - 2020-07-29 13:28

Թել Ավիվում անհայտ անձինք հարձակվել են բողոքի ակցիայի մասնակիցների վրա. «Հաարեց»

Թել Ավիվում անհայտ անձինք հարձակվել են բողոքի ակցիայի մասնակիցների վրա. «Հաարեց»

Սեւազգեստ անհայտ անձինք հարձակվել են ոստիկանության գործողությունների դեմ կազմակերպված բողոքի ակցիայի մասնակիցների վրա. հինգ մարդ տուժել է: Այդ մասին հաղորդել Է «Հաարեց» հրատարակությունը:

Ինչպես գրում է հրատարակությունը, բողոքի ակցիայի մասնակիցները հուլիսի 28-ի երեկոյան Թել Ավիվում ներքին անվտանգության նախարար Ամիր Օհանի տնից անցել են մինչեւ Այալոն խճուղի:

Անհայտ անձինք «սկսել են ծեծել» բողոքի ակցիայի մասնակիցներին: Սեւազգեստ հարձակվողները քարեր, ապակե շշեր են նետել եւ արցունքաբեր գազ կիրառել, ինչի արդյունքում տուժել է հինգ մարդ:

Ինչպես «ՌԻԱ Նովոստի»-ին հայտնել Է Իսրայելի ոստիկանության ներկայացուցիչ Միխայիլ Զինգերմանը, «հարձակման եւ հասարակական կարգը խախտելու համար ձերբակալվել էչորս կասկածյալ, կատարվում է հետաքննություն»: