կարևոր
494 դիտում, 10 ամիս առաջ - 2020-07-29 13:45

Փոքր Սևանում կանաչման վտանգ և լողալու հետ կապված խնդիր չկա

Փոքր Սևանում կանաչման վտանգ և լողալու հետ կապված խնդիր չկա

Փոքր Սևանում, որտեղ հիմնականում լողափերն են, լողալու խնդիր չկա: Այս մասին ասուլիսում ասել է Շրջակա միջավայրի նախարարի պարտականությունները կատարող Վահե Ջիլավյանը:

«Սևանում լողալու հետ կապված որևէ սահմանափակում չունենք: Բայց կարծում եմ բնակիչներն էլ չեն ցանկանա կանաչած հատվածներում լողալ: Իսկ փոքր Սևանում, որտեղ հիմնականում լողափերն են, կանաչման վտանգ չկա: Այնպես որ, փոքր Սևանում լողալու հետ կապված խնդիր չունենք»,- ասել է Ջիլավյանը:

Անդրադառնալով կողակի պաշարների վերականգնմանը՝ նա նշել է, որ մայրական կազմի հետ կապված արդեն ծրագրեր կան: «Հենց հիմա գործընթացների մեջ ենք, հուսով ենք, որ կարճ ժամանակ անց կարող ենք հասնել նրան, որ  կողակի մանրաձուկ ունենաք և լիճ բաց թողնենք »,-ասել է Ջիլավյանը:

Սևանա լիճն այս տարի ևս կանաչում է: Լճում կապտականաչ ջրիմուռների ինտենսիվ աճի և ջրի որակի անկման հիմնական պատճառներն են լճի մակարդակի իջեցումը, կենցաղային կեղտաջրերի և ջրածածկ անտառներից օրգանական նյութերի ներհոսքը, ձկան կենսազանգվածի կրճատումը, ջերմաստիճանի բարձրացումը: