կարևոր
1426 դիտում, 1 տարի առաջ - 2020-07-26 18:57

Իրանը կարող է հայց ներկայացնել ՄԱԿ-ի Միջազգային դատարան իրանական մարդատար ինքնաթիռն «ահաբեկելու» գործով

Իրանը կարող է հայց ներկայացնել ՄԱԿ-ի Միջազգային դատարան իրանական մարդատար ինքնաթիռն «ահաբեկելու» գործով

Իրանը կարող է հայց ներկայացնել ՄԱԿ-ի Միջազգային դատարան ամերիկյան կործանիչների կողմից իրանական «Mahan Air» ավիաընկերության մարդատար ինքնաթիռն այսպես ասած՝ ահաբեկելու գործով: Այս մասին հայտարարել է Թեհրանի համալսարանի միջազգային իրավունքի ամբիոնի պրոֆեսոր Յուսեֆ Մոլային, հաղորդում է irna.ir-ը։

«Միջազգային քաղաքացիական ավիացիայի մասին կոնվենցիայի անդամ բոլոր երկրները  պարտավոր են ապահովել ոչ ռազմական ինքնաթիռների թռիչքների անվտանգությունը»,- նշել է իրանցի դասախոսը՝ հավելելով, որ նշված կոնվենցիայի համաձայն՝ երկրներն իրավունք չունեն խախտել թռիչքների անվտանգությունը:

Հիշեցնենք․ հուլիսի 23-ին ամերիկյան երկու F-15 կործանիչները մոտեցել են իրանական «Mahan Air» ավիաընկերության ուղեւորատար ինքնաթիռին, ինչի հետեւանքով օդանավի օդաչուն ստիպված է եղել արագորեն փոխել բարձրությունը՝ կործանիչների հետ բախումից խուսափելու համար: Իրանական ինքնաթիռը Թեհրանից մեկնում էր Բեյրութ։ Միջադեպը տեղի է ունեցել Սիրիայի երկնքում։

Ինքնաթիռի արտակարգ վայրէջքի պատճառով տուժել են մի քանի ուղեւորներ։

Ընդ որում, ԱՄՆ-ի Կենտրոնական հրամանատարությունում հաստատել են, որ ԱՄՆ-ի ՌՕՈՒ-ի F-15-ը մեկ կիլոմետր հեռավորության վրա է եղել՝ հաշվի առնելով միջազգային նորմերը:

Չնայած  ամերիկյան կողմի պնդումներին, իրանական կողմը հայտարարել է, որ տեղի ունեցածը սպառնացել է ինքնաթիռի անվտանգությանը, եւ հնչող բացատրությունները ոչ մի ընդհանուր բան չունեն միջազգային իրավունքի հետ: