կարևոր
1164 դիտում, 1 տարի առաջ - 2020-07-25 22:21

Ֆլորիդան կորոնավիրուսի դեպքերի թվով առաջ է անցել Նյու Յորքից

Ֆլորիդան կորոնավիրուսի դեպքերի թվով առաջ է անցել Նյու Յորքից

Ամերիկյան Ֆլորիդա նահանգը COVID-19 վարակման դեպքերի թվով առաջ է անցել կորոնավիրուսից առավել տուժած Նյու Յորք նահանգից: Այդ մասին, ինչպես տեղեկացնում է РИА Новости-ին, վկայում են առողջապահության դեպարտամենտի տեղական բաժանմունքի կայքում հրապարակված տվյալները:

Վերջին տվյալների համաձայն՝ Ֆլորիդա նահանգում գրանցվել է COVID-19-ի 414 511 դեպք, մինչդեռ Նյու Յորքում 411 200 դեպք է գրանցվել:

ԱՄՆ-ում COVID-19 հիվանդացածների թվով առաջին տեղը զբաղեցնում է Կալիֆոռնիայի նահանգը, որտեղ գրանցված է 435 334 դեպք:

Առողջապահության համաշխարհային կազմակերպությունը մարտի 11-ին նոր՝ COVID-19 կորոնավիրուսային վարակի բռնկում է հայտարարել: ԱՀԿ-ի վերջին տվյալներով՝ աշխարհում վարակի ավելի քան 15,5 մլն դեպք է հայտնաբերվել, ավելի քան 635 հազար մարդ մահացել է: