կարևոր
1184 դիտում, 1 տարի առաջ - 2020-07-25 13:17

Ֆրանսիայի առողջապահության նախարարը չի բացառել COVID-ի պատճառով երկրորդ անգամ սահմանների փակումը

Ֆրանսիայի առողջապահության նախարարը չի բացառել COVID-ի պատճառով երկրորդ անգամ սահմանների փակումը

 Ֆրանսիայի առողջապահության նախարար Օլիվիե Վերանը հարցազրույցներից մեկում նշել է, որ չի կարող բացառել՝ կորոնավիրուսի դեպքերի աճի պայմաններում երկրորդ անգամ երկրի սահմանների փակումը: Այս մասին հատնում է «Ռիա Նովոստի»-ն:

Ավելի վաղ Ֆրանսիայի իշխանությունները հորդորել էին քաղաքացիներին խուսափել այցելել Կատալոնիա այնտեղ համավարակի տարածման պատճառով:

«Նախապես հնարավոր չէ ինչ-որ բան բացառել: Մի օր մենք խստացրինք  որոշ շրջանների հետ սահմանների վերահսկողությունը, հատկապես Ֆրանսիայի և Գերմանիայի միջև: Կարևոր է պահպանել փոխադարձության սկզբունքը, պահպանել երկխոսությունը, կիսվել և փոխանակվել տեղեկատվությամբ, իսկ անհրաժեշտության դեքպում նաև համաձայնեցնել քայլերը»,-շեշտել է նախարարը:

Վերանն ընդգծել է, որ երկրորդ անգամ համընդհանուր մեկուսացման  գինը սոցիալական, տնտեսական և հոգաբանական առումով կարող է չափազանց բարձր լինել:

Առողջապահության համաշխարհային կազմակերպությունը մարտի 11-ին հայտնել էր նոր կորոնավիրուսային վարակի՝ COVID-19-ի բռնկման մասին: ԱՀԿ-ի վերջին տվյալներով աշխարհում արձանագրվել է վարակի ավելի քան  15 մլն դեպք:  Մահացածների թիվն անցել է 643 հազարից: