կարևոր
1216 դիտում, 1 տարի առաջ - 2020-07-23 16:02

Բուլղարիայի վարչապետը հայտարարել է իր կառավարության չորս նախարարների պաշտոնաթողության մասին

Բուլղարիայի վարչապետը հայտարարել է իր կառավարության չորս նախարարների պաշտոնաթողության մասին

Բուլղարիայի վարչապետ Բոյկո Բորիսովը որոշել է պաշտոնաթող անել ֆինանսների նախարար Վլադիսլավ Գորանովին, ներքին գործերի նախարար Մլադեն Մարինովին, Էկոնոմիկայի նախարար Էմիլ Կարանիկոլովին եւ զբոսաշրջության նախարար Նիկոլինա Անգելկովային: Հուլիսի 23-ին այս հայտարարությամբ վարչապետը հանդես Է եկել կոալիցիայի խորհրդի նիստի արդյունքներին նվիրված ճեպազրույցում. գրում է ՏԱՍՍ-ը:

«Ընդունում եմ երեք նախարարների՝ Մարինովի, Գորանովի, Կարանիկոլովի գումարած զբոսաշրջության նախարար Անգելկովայի պաշտոնաթողությունը»,- ասել Է Բորիսովը: Պետության ղեկավարը հայտնել է, որ կառաջարկի Խրիստո Տերզիյսկու թեկնածությունը ներքին գործերի նախարարի պաշտոնում: Ներկայումս Տերզիյսկին գլխավորում է Ոստիկանության գլխավոր տնօրինությունը: Ֆինանսների նախարարի պաշտոնում կնշանակվի Կիրիլ Անանիեւը, որն զբաղեցնում էր առողջապահության նախարարի պաշտոնը, իսկ առողջապահության նախարարության ղեկավարի պաշտոնում կառաջարկվի պրոֆեսոր Կոստադին Անգելովի թեկնածությունը: Զբոսաշրջության նախարարի պարտականությունները կստանձնի փոխվարչապետ Մարիյանա Նիկոլովան: Պլանավորվում է էկոնոմիկայի նախարար նշանակել Լիչեզար Բորիսովին՝ ներկայումս էկոնմիկայի փոխնախարարին: Սպասվում է, որ Բուլղարիայի Ժողովրդական ժողովը (խորհրդարանը) կառավարությունում կադրային փոփոխությունների առաջարկությունը կքննարկի արդեն հուլիսի 24-ին: